Coñece a nosa Biblioteca

mércores, 16 de maio de 2018

ABRIL - MES DO LIBRO

PANEL DA ENTRADA
No vestíbulo do instituto con nubes e gotas cheas de libros que caen a un prado con flores. Co lema: Choven libros en abril.
Resultado de imagen de leer



EXPOSICIÓNS
Panel fronte a biblioteca con dous grandes libros para animar o alumnado a escribir frases sobre a lectura.

Exposición: as distintas actividades na Idade Media, feita polo alumnado de 2º da ESO.

O noso xardin: co lema: flores e libros agroman en abril.

Frases sobre a lectura feitas en cartulina e expostas nos ventanais do instituto.


BIBLIOTECAS NA RÚA
O noso instituto organizou como todos os anos,o día das bibliotecas na rúa, invitando a participar o  instituto nº 1, con postos de libros para animar a xente a lectura e a facerse socios das distintas bibliotecas. Este curso as lecturas versaron sobre os autores das rúas de Carballiño.







MARZO - MES DA MULLER

PANEL DA ENTRADA
Panel no vestíbulo co número 8 e palabras reivindicando a igualdade das mulleres en todos os ámbitos.

EXPOSICIÓNS
Infografías de mulleres da idade media á contemporánea ao lado da biblioteca, feito polo alumnado de 2º e 4º da ESO.




O noso xardín: no seu taboleiro autorretratos de mulleres pintoras ao longo da historia da arte.


Exposición e xogo con mulleres científicas na galería do instituto.




Gran cartel reivindicatico relacionado con este 8 de marzo.
Participación de profesoras e alumnado na manifestación do día da muller, no patio do instituto e frente ao concello do Carballiño, sumándonos á manifestación existente.







martes, 24 de abril de 2018

FEBREIRO - MES DOS NAMORADOS E DO ENTROIDO


PANEL DA ENTRADA
Letras de namorados, corazón con rosas de papel e obras de arte sobre o amor. Colgando no vestíbulo globos de corazóns.



EXPOSICIÓN
Historia do entroido en Galicia - traballo feito por 4º da ESO -  e fotos cos entroidos máis representativos das distintas zonas galegas. 



TÚNEL DO TERROR 
Pasaxe do terror  na biblioteca baseado en películas de medo. Vampiros, mortos vivintes, cadaleitos, carnicerías, quirófanos, exorcismos, sangue, réptiles.... invadiron a biblioteca.  Unha aterradora experiencia realizada por un grupo de profesores e con visitas en grupos de alumn@s.




martes, 17 de abril de 2018

XANEIRO - MES DA PAZ

Image result for DIA DE PAZ
Grandes letras coa palabra PAZ feitas con flores blancas. Palabras prohibidas que van en contra da paz e palabras permitidas a favor da paz.


EXPOSICIÓN DE CONFLITOS
Exposición dos conflitos a nivel mundial feito polo alumnado de 2º da ESO, nun taboleiro da galería de exposicións do instituto. 
 

EXPOSICIÓN POESÍAS E PAZ
Exposición frente a biblioteca de poesías a favor da Paz.





LEMAS SOBRE A PAZ




No noso Xardín colocamos a palabra PAZ con lemas a favor desta. 

DÍA DA PAZ NO SALÓN DE ACTOS
Celebramos o día da Paz no salón de actos de diferentes formas: 




1º. Falamos de PAZ: no salón de actos co alumnado da ESO, tratamos de concienciar sobre os problemas da guerra e dos conflitos. Participa o alumnado de 2º da ESO.
2º. Realizamos unha presentación dixital con frases sobre a guerra e a paz con imaxes.
3º. O alumnado de 2º da ESO leva carteis a favor da paz e en contra da guerra. Portan grandes letras da palabra PAZ. 
4º. Lectura de poemas sobre a paz. 
5º. Visionado de videos de Unicef (La historia de Ivine y Almohada, Malak y el barco, Mustafá sale a caminar). Pincha nos vídeos se os queres ver.
6º. Actuación do coro do instituto cantando Vois sur ton chemin da película Los niños del coro. 



 


 



martes, 5 de decembro de 2017

VISITA AO CONCELLO - DÍA CONTRA A VIOLENCIA DE XÉNERO


Participación da biblioteca nunha actividade feita polo Concello o día 24 na que foi alumnado de  4º e 2º da ESO. 25 alumn@s portaban dous carteis cada un por un lado estaba  escrito o nome da vítima coa súa idade, no outro lado letras que conformaban a frase: REXEITEMOS E LOITEMOS CONTRA A VIOLENCIA DE XÉNERO. Estes carteis puxéronse despois en exposición no instituto.